Şrift:
Ərdəbildə “Təsnim Nuş” istehsal müəssisəsi fəaliyyətini dayandırıb
23.11.2018 [10:35] - Güney Azərbaycan xəbərləri, Güney Azərbaycan-Təbriz
Güney Azərbaycanın Ərdəbil şəhərində sərinləşdirici içkilər istehsal edən “Təsnim Nuş” müəssisəsi fəaliyyətini dayandırıb.

Müəssisə ölkədə hökm sürən iqtisadi tənəzzül və xammalın təmini ilə əlaqədar noyabrın 21-də bağlanıb.
Fabrikin bağlanması ilə onlarla işçi iş yerini itirib.

Ərdəbil Əyalətinin Sənaye, Mədən və Ticarət Təşkilatının rəisi Hamid Ameli “Gənc Jurnalistlər Klub”unun müxbiri ilə danışıqda istehsal müəssisəsinin bağlanmasını rəsmən təsdiqləyib.

“Təsnim Nuş” müəssisəsinin son aylarda işçilərin əmək haqlarını ödəmədiyi də bildirilir. Müəssisə bundan əvvəl işçiləri məcburi olaraq bir aylıq məzuniyyətə göndərmişdir.

“Təsnim Nuş” istehsal müəssisəsi 10 il əvvəl təsis edilib, bu müəssisə meyvə suyu, təbii və mineral sular və s. kimi sərinləşdirici içkilər istehsal edirdi.

Ötən həftə isə Güney Azərbaycanın ən böyük təkər istehsalçısı olan Ərdəbil Artavil Lastik Fabriki maliyyə problemləri ilə əlaqədar fəaliyyətini danyandırıb, bunun nəticəsində fabrikin 2000 işçisi işsiz qalıb.
Bu xəbər oxucular tərəfindən 112 dəfə izlənilmişdir!
Google Yahoo Facebook Twitter
Del.icio.us Digg StumbleUpon FriendFeed