Braziliyada bəndin uçması nəticəsində ölənlərin sayı 58 nəfərə çatıb.

TASS informasiya agentliyi xəbər verir ki, bu barədə ölkənin Minas-Jerays ştatının Mülki Müdafiə Qüvvələrinin nümayəndəsi bildirib.

Əvvəlki məlumatda 50 nəfərin həlak olduğu, 287 nəfərin itkin düşdüyü bildirilirdi.

Qeyd edək ki, Braziliyanın cənub-şərqində yerləşən Minas-Jerays ştatında metallurgiya sənayesi tullantılarının olduğu suyu saxlayan bənd cümə günü uçub.