Şrift:
Bu il Daşkənddə Türk Şurasının növbəti iclası və bu qurum çərçivəsində biznes-forum keçiriləcək
04.03.2019 [10:21] - Xəbərlər, Türk dünyası-Turan
Bu il Daşkənddə Türkdilli Dövlətlərin Əməkdaşlıq Şurasının (TDƏŞ) növbəti iclası və bu qurum çərçivəsində biznes-forum keçiriləcək.

Bu ölkənin xarici işlər naziri Əbdüləziz Kamilovun Abu-Dabidə TDƏŞ-nın baş katibi Bağdad Amreyvlə görüşündə Türk Şurasının Daşkənddə keçiriləcək növbəti iclası və qurum çərçivəsində baş tutacaq biznes-foruma hazırlıq məsələləri müzakirə edilib.

Qeyd olunub ki, hazırda Türk Şurasının fəaliyyətindəki dinamik təmayüllər Özbəkistan üçün böyük maraq kəsb edir. Özbəkistan bu prosesin bir hissəsi olmağa və qarşılıqlı əməkdaşlığı inkişaf etdirməyə hazırdır.

Xatırladaq ki, 2018-ci ilin sentyabrında Qırğızıstanın Çolpon-Ata şəhərində keçirilən sammitdə qonaq kimi iştirak edən Özbəkistan Prezidenti Şavkat Mirziyoyev Türk Şurasının növbəti iclasının Daşkənddə keçirilməsini təklif etmişdi.

Qulu Kəngərli
Bu xəbər oxucular tərəfindən 84 dəfə izlənilmişdir!
Google Yahoo Facebook Twitter
Del.icio.us Digg StumbleUpon FriendFeed