Şrift:
TWESCO-nun gələcək planları ilə bağlı fikir mübadiləsi aparılıb
15.03.2019 [10:27] - Türk dünyası-Turan
Beynəlxalq Türk Akademiyasının (TWESCO) Prezidenti Darxan Kıdırali, Bişkekdə Qırğızıstanın xarici işlər naziri Çingiz Aydarbekovla görüşüb.

TWESCO-dan verilən məlumata görə, görüş zamanı Beynəlxalq Türk Akademiyasının hazırda davam edən işləri və gələcək planları ilə bağlı fikir mübadiləsi aparılıb.

Akademiya prezidenti ötən il reallaşdırılan layihələr, 2019-cu il üçün müəyyən olunan məqsəd və hədəflər haqqında geniş məlumat verib.

Qırğız Respublikasının xarici işlər naziri Çingiz Aydarbekov isə TWESCO-nun qurucu dövlətləri olan Azərbaycan, Qazaxıstan, Qırğızıstan və Türkiyənin, eyni zamanda, bütün türk xalqlarının tarixi və mədəniyyətinin araşdırılmasındakı əhəmiyyətli rolunu vurğulayıb, ölkəsinin dəstəyini ifadə edib.



İlahə Əhmədova
Bu xəbər oxucular tərəfindən 483 dəfə izlənilmişdir!
Google Yahoo Facebook Twitter
Del.icio.us Digg StumbleUpon FriendFeed