Şrift:
MHP-nin saytında İranın “Türkmən səhra” sel bölgəsinə laqeyd münasibəti haqda məqalə dərc olunub
01.04.2019 [11:18] - Güney Azərbaycan xəbərləri, Güney Azərbaycan-Təbriz
Türkiyə Milliyyətçi Hərəkat Partiyasının mətbuat orqanı olan “Türkgün” saytında Güney Türkmənistan (“Türkmən səhra”) bölgəsində baş verən sel, İran dövlətinin təbii fəlakətlə üzləşən türkmənlərə qarşı laqeyd münasibəti və azərbaycanlıların türkmən qardaşlarına etdiyi yardımlarla bağlı məqalə dərc olunub.

Dr. Elnur Paşanın müəllifi olduğu məqalədə İranda yaşayan millətlərə qarşı fərqli münasibət olduğu bildirilib.

Müəllif Şiraz və “Türkmən səhra” bölgəsində baş verən sel fəlakətini müqayisə edərək dövlətin bu bölgələrə münasibətdə ayrı-seçkiliyə yol verdiyini bəyan edib.

Məqalədə İran rejiminin selə məruz qalan türkmənlərə yetəri qədər yardım etmədiyi dəfələrlə vurğulanıb. Həmçinin bildirilib ki, İranda türklər bir çox manelərə baxmayaraq türkmən qardaşlarına yardım göstərir, bu istiqamətdə əllərindən gələni edirlər.

Dr. Elnur Paşa Beynəlxalq əlaqələr üzrə mütəxəssisdir. O Türkiyənin əslən Azərbaycandan olan məşhur jurnalistlərindən biridir. Onun “Türkgün” saytında müxtəlif yazıları dərc olunur.

https://www.turkgun.com/amp/devletin-yetersiz-kaldigi-yerde-makale-92041?fbclid=IwAR07GAXppfOKKK8l6sfNR2EfhV0x8-p6ncCmUjtLUpbl5cf3U2UXB2o9Z9w

N.S
Bu xəbər oxucular tərəfindən 76 dəfə izlənilmişdir!
Google Yahoo Facebook Twitter
Del.icio.us Digg StumbleUpon FriendFeed