Şrift:
Dubayda müqəddəs Qurana həsr olunan park açılıb
02.04.2019 [10:39] - İslam dini
Dubayın əl-Khavaneej rayonunda müsəlmanların müqəddəs kitabı “Qurani-Kərim”ə həsr edilmiş yeni park istifadəyə verilib.

60 hektar sahədə ziyarətçilər Quranda adı çəkilən 43 bitkini və Peyğəmbərin yeddi möcüzəsini görə biləcəklər. Ziyarətçilər orada möcüzələr mağarası və müqəddəs kitabda adı çəkilən bitkilərin olduğu Şüşə evi gəzə biləcəklər. Parkda banan, zeytun, üzüm, əncir, soğan, mərci, balqabaq və digər bitkilərdən ibarət 12 bağ salınıb. Xüsusi stendlərdə həmin bitkilərin təbabətdə və yeməklərdə istifadə qaydaları barədə məlumat verilir.

Bununla yanaşı, park texniki cəhətdən təchiz olunub – orada günəş paneli, yüksəksürətli internet, üstüörtülü oturacaqlar və mobil telefonların doldurulması üçün stansiyalar quraşdırılıb.

Parka giriş sərbəstdir.

Asya Hacızadə
Bu xəbər oxucular tərəfindən 79 dəfə izlənilmişdir!
Google Yahoo Facebook Twitter
Del.icio.us Digg StumbleUpon FriendFeed