Şrift:
Azərbaycanlı cüdoçunun ipponu “Böyük dəbilqə” turnirində ən yaxşı seçilib
18.05.2019 [10:21] - Gündəm, İdman
Beynəlxalq Cüdo Federasiyası Bakıda ümummilli lider Heydər Əliyevin xatirəsinə həsr olunmuş “Böyük dəbilqə” turnirində idmançıların yerinə yetirdikləri ən yaxşı ipponları təqdim edib.

İlk beşlikdə Azərbaycanın iki cüdoçusunun təmiz qələbəyə səbəb olan fəndləri yer alıb.

Belə ki, Nicat Şıxəlizadənin (66 kq) yarımfinalda Monqolustan təmsilçisi Basxu Yondoperenleyə qarşı işlətdiyi fənd birinci olub. Telman Vəliyevin (73 kq) bürünc medal uğrunda görüşdə rusiyalı Denis Yartsevə qarşı işlətdiyi fənd isə dördüncü yerə layiq görülüb.

Qeyd edək ki, N.Şıxəlizadə "Böyük dəbilqə" beynəlxalq turnirində gümüş, T.Vəliyev isə bürünc medal qazanıb. Yarışda Hidayət Heydərov (73 kq) qızıl, Məmmədəli Mehdiyev (90 kq) gümüş, Rüstəm Orucov (73 kq), Zelim Kotsoyev (100 kq) və İrina Kindzerska (78 kq) bürünc medala sahib olublar.
Bu xəbər oxucular tərəfindən 51 dəfə izlənilmişdir!
Google Yahoo Facebook Twitter
Del.icio.us Digg StumbleUpon FriendFeed