Şrift:
Sentyabrın 30-u Brexit üçün son gün təyin edilib
02.07.2019 [11:25] - Gündəm, Siyasət
Böyük Britaniyanın Baş Naziri postuna namizəd, Xarici İşlər naziri Ceremi Hant sentyabrın 30-nu Brexit üçün son gün təyin edib.

O bildirib ki, əgər Baş Nazir seçilərsə, ya Brüssellə Brexit danışıqlarını sentyabrın sonuna kimi başa çatdıracaq, ya da heç bir razılaşma olmadan İttifaqı tərk edəcək. Hant, həmçinin Brexit hazırlıqları ilə məşğul olan “Whitehall” rəsmilərinə avqust ayında istirahətə getməyə icazə verməyəcəyini bildirib.

“Avropa İttifaqı bilməlidir ki, Brexitin uğurlu olması üçün lazım olanı edəcəyik", - deyə o bəyan edib.

Qeyd edək ki, Böyük Britaniyanın Baş Naziri postu uğrunda iki namizəd - Ceremi Hant və Boris Conson mübarizə aparır.

Aynurə Tağıyeva
Bu xəbər oxucular tərəfindən 26 dəfə izlənilmişdir!
Google Yahoo Facebook Twitter
Del.icio.us Digg StumbleUpon FriendFeed