Şrift:
Güney azərbaycanlı fəal Aydın Zakiri saxlanılıb
03.08.2019 [11:40] - Güney Azərbaycan xəbərləri, Güney Azərbaycan-Təbriz
Güney Azərbaycanın Meşginşəhr (Xiyav) şəhərində milli-mədəni fəal Aydın Zakiri saxlanılıb.

Onun yaxınlarının verdiyi məlumata görə, təhlükəsizlik qüvvələri avqustun 1-də fəalın iş yerinə müraciət edərək onu saxlayıblar.

Deyilənlərə görə, təhlükəsizlik qüvvələri məhkəmə hökmü təqdim etmədiyi üçün fəal və onun yaxınlarının müqaviməti ilə üzləşib, nəticədə qarşıdurma yaranıb. Fəala qarşı güc tətbiq edən məmurların gözyaşardıcı qazdan istifadə etdiyi bildirilir.

Aydın Zakirinin saxlanması böyük ehtimalla gözlənilən Savalan dağı mərasimi ilə bağlıdır. Təhlükəsizlik qüvvələri ötən çərşənbə günü də fəalla əlaqə saxlayaraq onun Ettelaat İdarəsinə müraciət etməsini və Savalan dağı mərasiminə qatılmamaqla bağlı öhdəlik götürməsini tələb etmişdilər. Fəal təhlükəsizlik qüvvələrinin tələbi qanunsuz olduğuna görə çağırılan idarəyə müraciət etməkdən imtina etmişdir.

Aydın Zakiri bundan əvvəl 2015-ci il fevralın 21-də, Beynəlxalq Ana Dili Günündə təhlükəsizlik qüvvələri tərəfindən saxlanmışdır.

Mədəni fəallar və dağçı gənclər bir neçə ildir ki, yayın orta ayında Savalan dağının ətəyində toplaşır. Mərasimdə Azərbaycan türk millətinin demokratik və milli hüquqlarının təmin olunması tələb olunur.
Bu xəbər oxucular tərəfindən 53 dəfə izlənilmişdir!
Google Yahoo Facebook Twitter
Del.icio.us Digg StumbleUpon FriendFeed