Şrift:
Qurban Qurbanov: Qələbəyə baxmayaraq, biz arxaynlaşmayacağıq
07.08.2019 [09:26] - Gündəm, İdman
Qələbə qazansaq da, oyun çox çətin oldu. Meydanda sərgilədikləri gözəl oyuna görə, futbolçularımızı təbrik edirəm. Rəqib güclü idi və ilk dəqiqələrdən təzyiq yaradacaqlarını bilirdik.

Bu sözləri “Qarabağ” klubunun baş məşqçisi Qurban Qurbanov avqustun 6-da UEFA Çempionlar Liqasının III təsnifat mərhələsi çərçivəsində keçirilən APOEL-“Qarabağ” qarşılaşmasından sonra təşkil olunmuş mətbuat konfransında deyib.

Təcrübəli məşqçi deyib: “APOEL özünəməxsus oyun üslubu olan bir komandadır. Qələbəyə baxmayaraq, biz arxayınlaşmayacağıq. Bu qarşılaşmanı analiz edib cavab matçında daha hazırlıqlı olmalıyıq”.

Qeyd edək ki, komandalar arasındakı cavab matçı avqustun 13-də Tofiq Bəhramov adına Respublika stadionunda baş tutacaq. Həmin görüş saat 20:30-da start götürəcək.
Bu xəbər oxucular tərəfindən 24 dəfə izlənilmişdir!
Google Yahoo Facebook Twitter
Del.icio.us Digg StumbleUpon FriendFeed