Şrift:
Bu ilin birinci yarısında Misirin “Zöhr” qaz yatağında hasilat 3,6 dəfə artıb
16.08.2019 [09:53] - Gündəm, İqtisadiyyat
Misirin Aralıq dənizinin şelfində yerləşən ən iri “Zöhr” qaz yatağında 2019-cu ilin birinci yarısında qaz hasilatı 3,6 dəfə artıb.

Yerli KİV- xəbər verir ki, bu ilin birinci yarısında “Zöhr” yatağından qazın hasilatı 11,3 milyard kubmetrə qədər artıb. Bu, 2018-ci ilin müvafiq dövrü ilə müqayisədə - 3,6 dəfə artım deməkdir. 2017-ci ildən başlayaraq Misirin “Zöhr” qaz yatağı İtaliyanın “Eni” (50%), Rusiyanın “Rosneft” (30%), Böyük Britaniyanın “BP” (10%), Birləşmiş Ərəb Əmirliklərinin “Mubadala Petroleum” (10%) və Misirin neft qaz şirkətlərinin iştirak etdiyi konsorsium tərəfindən işlənilir.

Hazırkı vaxtda qaz hasilatının həcmi sutkada 68 milyon kubmetr təşkil edir. Orada 11 hasilat quyusu, üç dəniz boru kəməri, idarə dəniz platforması və qazın hazırlanması üçün zavodun 8 texnoloji xətti fəaliyyət göstərir. 2019-cu ilin sonuna kimi, qaz hasılatının həcminin sutkada 76 milyon kubmetrə qədər artırılması nəzərdə tutulur.

Xatırladaq ki, 2015-ci ildə kəşf olunan “Zöhr” yatağı Aralıq dənizində ən iri qaz yatağıdır.

Asya Hacızadə
Bu xəbər oxucular tərəfindən 55 dəfə izlənilmişdir!
Google Yahoo Facebook Twitter
Del.icio.us Digg StumbleUpon FriendFeed