Rusiyada hərbi təyyarə qəzaya uğrayıb.

Hadisə Şimali Qafqazda qeydə alınıb.

Su-25UB tipli hücum təyyarəsinin qəzaya uğradığı bildirilir.

Təyyarənin hər iki pilotu katapult edib. Onların taleyi hələlik məlum deyil.

Rusiya Müdafiə Nazirliyi də qəza barədə məlumat yayıb. Məlumatda bildirilir ki, sentyabrın 3-də Stavropol diyarında planlaşdırılmış təlim-məşq uçuşu zamanı Su-25UB tipli təyyarə qəzaya uğrayıb. Hazırda xilasedicilər iki pilotun axtarışını davam etdirir. Uçuş döyüş komplekti olmadan icra edilib. Təyyarə insan olmayan əraziyə düşüb, yerdə dağıntı baş verməyib.