Şrift:
Çin və ABŞ ticarət danışıqlarını davam etdirmək barədə razılığa gəliblər
05.09.2019 [10:41] - İqtisadiyyat
Çin və ABŞ ticarət danışıqlarının davam etdirmək barədə razılığa gəliblər. Danışıqların 13-cü mərhələsi oktyabrın əvvəlində Vaşinqtonda keçiriləcək.

Bu barədə razılıq Çin Dövlət Şurası sədrinin (Baş nazirin) müavini Liu Xının Birləşmiş Ştatların ticarət nümayəndəsi Robert Laythayzer və maliyyə naziri Stiven Mnuçin ilə sentyabrın 5-də baş tutan telefon danışığı zamanı əldə olunub. Sentyabrın ortasında isə danışıqlar qrupu görüşərək 13-cü mərhələdə müzakirəyə çıxarılacaq məsələləri aydınlaşdıracaq.

Qeyd edək ki, ilin əvvəlindən keçirilən ticarət danışıqları hələ bir nəticə verməyib. Tərəflərin idxal rüsumlarını qarşılıqlı artırması iqtisadi əlaqələrdə gərginliyə səbəbə olub.



Şahin Cəfərov
Bu xəbər oxucular tərəfindən 42 dəfə izlənilmişdir!
Google Yahoo Facebook Twitter
Del.icio.us Digg StumbleUpon FriendFeed