Şrift:
Azərbaycanlılar xiyabanlara fars məşhurlarının adlarını verilməsini istəmir – Urmiyədə lövhələr qaralandı
05.09.2019 [11:29] - Güney Azərbaycan xəbərləri, Güney Azərbaycan-Təbriz
Güney Azərbaycanda coğrafi məkanlar, o cümlədən küçə və xiyabanlara fars məşhurlarının adının verilməsinə qarşı etirazlar davam edir.

Son məlumata görə, Urmiyə şəhərində azərbaycanlı gənclər xiyabanların lövhəsində fars şairlərinin adlarını qaralayıb.

Gənclər fars şairlərinin yerinə dünya şöhrətli azərbaycanlı şair Məhəmməd Füzulinin adını yazıblar.

İranda Pəhləvi və islam cümhuriyyəti dövrlərində Azərbaycan türk millətinin millli kimliyi və tarixi təhrif edilir və ya ümumiyyətlə inkar olunur. Bu məqsədlə şəhərlərdə küçə, xiyaban, meydan və məhəllələrə farsca adlar verilir. Bundan əlavə bölgədə olan türkcə coğrafi adlar tədricən fars sözləri ilə dəyişdirilir və ya fars dilinə tərcümə edilir. Bütün bunlara etiraz edən azərbaycanlı gənclər vaxtaşırı farsca adlandırılan xiyaban və məhəllələrin adlarını lövhələrdən silirlər. Bu adlar fas şovinizminin simvolları kimi olduğu üçün onlara qarşı həssaslıq var.

N.S
Bu xəbər oxucular tərəfindən 44 dəfə izlənilmişdir!
Google Yahoo Facebook Twitter
Del.icio.us Digg StumbleUpon FriendFeed