Şrift:
Məhkəmə güney azərbaycanlı fəal Ruhulla Əhmədnəjad barəsində hökm çıxarıb
24.10.2019 [11:36] - Güney Azərbaycan xəbərləri, Güney Azərbaycan-Təbriz
Təbrizin İnqilab Məhkəməsi güney azərbaycanlı milli-mədəni fəal Ruhulla Əhmədnəjada qarşı irəli sürülən ittihamla bağlı icraata xitam verilməsinə dair hökm çıxarıb.

Fəal “ölkəyə qarşı olan cəmiyyətlərdə üzv olmaq” ittihamı ilə mühakimə olunub. Artıq dosye Təbriz İnqilab Məhkəməsinin 1-ci şöbəsinin verdiyi qərarla qapanıb.

Azərbaycanlı fəal iyulun 2-də Təbrizdə öz iş yerində mülki geyimli təhlükəsizlik qüvvələri tərəfindən saxlanmışdır.

Ettelaat əməkdaşları fəalı saxladıqdan sonra onun qardaşı evinə hücum çəkərək məhkəmə hökmü olmadan evdə axtarış aparıb, ev sahibinə aid bir çox kitab, ləptop və şəxsi yaddaş kartını (flaşka) götürmüşdülər.

N.S
Bu xəbər oxucular tərəfindən 37 dəfə izlənilmişdir!
Google Yahoo Facebook Twitter
Del.icio.us Digg StumbleUpon FriendFeed