Şrift:
İslamşəhrin icra hakimi etirazları yatıra bilmədikləri üçün əlavə qüvvələr istəyib
19.11.2019 [13:03] - Xəbərlər
İslamşəhrin icra hakimi Məsud Mürsəlpur şəhər ərazisində keçirilən nümayişləri yatıra bilmədiklərini etiraf edib. O, etirazların yatırılması üçün Tehran və digər yaxın əyalətlərdən əlavə qüvvələrin göndərilməsinə ehtiyac olduğunu deyib. İcra hakimi etirazların miqyası və baş verən digər hadisələrlə bağlı açıqlama verməyib. İran adlı ölkədə hökuməti interneti kəsdiyindən, hələ ki, İslamşəhrdə nələrin baş verdiyi ilə bağlı ətraflı məlumat əldə etmək mümkün deyil. Lakin ölkə rəsmiləri bu gün şəhər ərazisində etirazçılarla təhlükəsizlik qüvvələri arasında baş verən qarşıdurmalar nəticəsində 1 nəfərin öldüyünü təsdiqləyiblər.
Yayılan rəsmi xəbərlərə əsasən, kəskin etirazlar səbəbindən İslamşəhrdə, eləcə də Robat Kərim və Şəhriyar rayonlarında bütün məktəblərdə sabah tətil elan edilib.
Xatırladaq ki, 1994-cü ildə ictimai nəqliyyatda gediş haqqının 30% bahalaşmasından sonra da İslamşəhrdə böyük etiraz aksiyaları keçirilmişdi. Həmin etirazları "Sepah" terror təşkilatının "Sarullah" qərargahı 50 günahsız insanı öldürərək xüsusi amansızlıqla yatırmışdı.

DAVAM.AZ
“Təbriz Bürosu” (Güney Azərbaycan)
Bu xəbər oxucular tərəfindən 108 dəfə izlənilmişdir!
Google Yahoo Facebook Twitter
Del.icio.us Digg StumbleUpon FriendFeed