Şrift:
Táýelsizdik kúni qarsańynda birqatar azamat memlekettik nagradalarmen marapattaldy
12.12.2019 [11:55] - Türk dünyası-Turan
Táýelsizdik kúni qarsańynda birqatar azamat memlekettik nagradalarmen marapattaldy, dep habarlaıdy Aqorda. Táýelsizdik kúni merekesi qarsańynda Qazaqstan Respýblıkasy Prezıdentiniń Jarlyǵymen memleketimizdiń áleýmettik-ekonomıkalyq jáne mádenı damýyna, halyqtar arasyndaǵy dostyq pen yntymaqtastyqty nyǵaıtýǵa qosqan eleýli úlesi, belsendi qoǵamdyq qyzmeti úshin el azamattarynyń úlken bir toby memlekettik nagradalarmen marapattaldy. Olardyń qatarynda óndiris, bıznes, bilim berý, densaýlyq saqtaý salalarynyń kórnekti ókilderi, áskerı qyzmetshiler, quqyq qorǵaý organdarynyń qyzmetkerleri, sportshylar, soǵys jáne eńbek ardagerleri, mádenıet jáne ǵylym qaıratkerleri bar. «Qazaqstannyń Eńbek Eri» ataǵy ulttyq mádenıetti damytýǵa qosqan aıryqsha úlesi, án ónerin nasıhattaýdaǵy erekshe eńbegi úshin Roza Rymbaevaǵa berildi. Óndiristik qyzmettegi erekshe eńbegi úshin «Qazaqstannyń Eńbek Eri» ataǵy «Qazaqmys korporatsııasy» JShS fılıaly – «Jezqazǵantústimet» ÓB ken óndiristik kesheniniń uńǵylaýshysy Tursynbek Makıshevke de berildi. «Otan» ordenimen jazýshy I.Jaqanov, «Alageum Electric» holdıngtik kompanııasy baqylaý keńesiniń tóraǵasy S.Qojabaev, Aqtóbe oblysy «Kazhrom» TUK» AQ fılıaly – Dóń taý-ken baıytý kombınatynyń dırektory V.Tıl, «Qazaqstan Respýblıkasynyń Tuńǵysh Prezıdenti – Elbasy Nursultan Nazarbaev» ordenimen Qazaqstan Respýblıkasynyń Tuńǵysh Prezıdenti – Elbasynyń kómekshisi – Qazaqstan Respýblıkasynyń Prezıdenti Іs basqarýshysynyń birinshi orynbasary A.Bısembaev, І dárejeli «Barys» ordenimen Parlament Májilisiniń depýtaty S.Abdrahmanov, ǵalym jáne qoǵam qaıratkeri Á.Ahmetov, jazýshy T.Ábdikuly, Qazaqstan Respýblıkasynyń Tuńǵysh Prezıdenti – Elbasy Keńsesiniń basshysy M.Qasymbekov, «M. Áýezov atyndaǵy Ońtústik Qazaqstan memlekettik ýnıversıteti» RMK bas ǵylymı qyzmetkeri M.Myrzahmetuly, «Bóbek» balalar qorynyń prezıdenti S.Nazarbaeva, opera ánshisi B.Tólegenova, ІІ dárejeli «Barys» ordenimen «LORD daryndy balalarǵa arnalǵan oblystyq mamandandyrylǵan mektep-lıtseı-ınternat» KMM muǵalimi R.Ázimbaeva, aqyn M.Aıthoja, Ulttyq ǵylym akademııasynyń akademıgi Ǵ.Esim, memleketaralyq sý sharýashylyq úılestirý komıssııasy janyndaǵy Sý sharýashylyq máseleleri boıynsha ǵylymı-aqparattyq ortalyǵy Qazaq fılıalynyń dırektory N.Qypshaqbaev, ІІІ dárejeli «Barys» ordenimen aqyn, «Sáken Seıfýllınniń murajaıy» MKQK dırektory N.Aıtuly, Prezıdent Іs basqarmasy Medıtsınalyq ortalyǵynyń «Oqjetpes» emdeý-saýyqtyrý kesheni» AQ prezıdenti Q.Berkinbaev, tarıhshy M.Qoıgeldıev, Parlament Senatynyń depýtaty T.Muqashev, jazýshy Q.Salǵarauly jáne basqalar marapattaldy. «Qazaqstannyń eńbek sińirgen qaıratkeri» qurmetti ataǵy ǵylym jáne mádenıet salasynyń 36 kórnekti ókiline berildi, olardyń ishinde belgili ánshiler T.Asar men D.Qudaıbergen, ǵalym A.Jumadildaev, kınoakter N.Esimǵalıev, dırıjer R.Salavatov, balet ártisi N.Semenova jáne basqalar bar.
Belgili ǵalymdar, mádenıet qaıratkerleri, óndiristik sala ókilderiniń eńbekteri «Parasat» ordenimen baǵalandy. Olardyń arasynda «Shymkent qalalyq orys drama teatry» MKQK basshysy I.Verbıtskıı, «Aıtys aqyndary men jyrshy, termeshilerdiń halyqaralyq odaǵy» RQB tóraǵasy J.Ermanov, «L. Gýmılev atyndaǵy Eýrazııa ulttyq ýnıversıteti» RMK professory S.Qasqabasov, «Aqtóbe metall qurastyrý zaýyty» JShS dırektory Q.Qoılybaev, Soltústik Qazaqstan oblysy «Aqseleý» JShS dırektory S.Malaev, «Qazaq ulttyq agrarlyq ýnıversıteti» KEAQ professory Q.Sábdenov, «B.Rımova atyndaǵy Taldyqorǵan drama teatry» KMM ártisi K.Temirbaıuly, qoǵam qaıratkerleri E.Sakenova men E.Tarasenko, Atyraý oblystyq Qoǵamdyq keńesiniń tóraǵasy M.Óteshov, «M. Óskinbaev atyndaǵy Mańǵystaý oblystyq fılarmonııasy» MKQK solısi S.Shakrat, Qaraǵandy oblysy «Altaı Polımetaly» JShS baqylaý keńesiniń tóraǵasy R.ıÝn bar. ІІ dárejeli «Dostyq» ordenine Qazaqstan halqy Assambleıasy Tóraǵasynyń orynbasary, «Vaınah» sheshender jáne ıngýshter qaýymdastyǵy basqarmasynyń múshesi ıÝ.Kelıgov, aıtys aqyny Á.Qalybekova, «Aınury» tatar-bashqurt mádenı ortalyǵy» QB tóraǵasy A.Halıkov, Qaraǵandy qalasy «LITUANICA» QB tóraǵasy V.Tvarıonas jáne basqalar ıe boldy. «Qurmet» ordenimen marapattalǵandar qatarynda aqyn O.Ábdildaev, Túrkistan oblysy «Jetisaı qosalqy mektep-ınternaty» KMM muǵalimi Ú.Ábdıev, «L.Gýmılev atyndaǵy Eýrazııa ulttyq ýnıversıteti» RMK dotsenti A.Ábıdenqyzy, Aqmola oblysy «Altyndán» JShS dırektory Q.Baızaqov, Almaty qalasy «Qazaqstan dúngenderiniń qoǵamy» QB tóraǵasy A.Voıntse, «Abaı atyndaǵy Qazaq memlekettik akademııalyq opera jáne balet teatry» RMQK solısi G.Dáýirbaeva, Qostanaı oblysy «Melıtopolskoe» JShS dırektory E.Dvýrechenskıı, tanymal boksshy V.Demıanenko, «T.Júrgenov atyndaǵy Qazaq ulttyq óner akademııasy» RMM oqytýshysy Sh.Imashev, Qyzylorda oblysy «Eńbek jer» JShS dırektory Sh.Ysqaqov, Petropavl qalasy «Kardıologııalyq ortalyq» KMK bas dárigeri A.Maǵzumov, Shymkent qalasy «Bolashaq» № 66 balabaqshasy» MKQK meńgerýshisi T.Martynenko, «Shyǵys Qazaqstan aýyl sharýashylyq tájirıbe stantsııasy» JShS mehanızatory A.Nazın, ánshi S.Nurmaǵambetova, «Mıloserdıe» erikti qoǵamy» qaıyrymdylyq qorynyń dırektory, Qazaqstan Respýblıkasynyń balalar quqyqtary jónindegi ýákili A.Saın, «M. Áýezov atyndaǵy Qazaq memlekettik akademııalyq drama teatry» RMQK ártisi Ú.Seıtimbet, «Ál-Farabı atyndaǵy Qazaq ulttyq ýnıversıteti» RMK kafedra meńgerýshisi Á.Tóleýbaev, Nur-Sultan qalasy «Naz» memlekettik bı teatrynyń dırektory S.Sraılov, Qaraǵandy qalasy «Jas suńqar» sport mektebiniń jattyqtyrýshy-oqytýshysy E.Shynkeev bar. Ónerkásip, kólik, qurylys, aýyl sharýashylyǵy jáne basqa materıaldyq óndiris salalarynyń 72 jumysshysy men eńbekkeri ІІІ dárejeli «Eńbek Dańqy» ordeniniń ıegerleri atandy, atap aıtqanda, Aqmola oblysy «Hleborob» JShS mehanızatory M.Boranbaev, Mańǵystaý oblysy «Jaılaý» JShS bas shopany E.Ótesov, «QTJ Júk tasymaldaý» AQ fılıaly Jambyl paıdalaný lokomotıv deposynyń jóndeýshisi N.Homýtenko jáne basqalar. Áskerı jáne qyzmettik boryshyn úlgili atqarǵany, zańdylyq pen quqyqtyq tártipti qamtamasyz etýde kórsetken erligi men janqııarlyǵy, eldiń ulttyq qaýipsizdigi men qorǵanys qabiletin nyǵaıtýǵa qosqan úlesi úshin áskerı qyzmetshiler men quqyq qorǵaý organdary ókilderiniń bir toby І jáne ІІ dárejeli «Dańq», sondaı-aq, І, ІІ, ІІІ dárejeli «Aıbyn» ordenderimen, «Erligi úshin» jáne «Jaýyngerlik erligi úshin» medaldarymen marapattaldy. Nagradtalǵandardyń tizimi baspasózde jarııalanady.
Barlyq quqyqtar qorǵalǵan. inform.kz belsendi siltemeni paıdalanyńyz

DAVAM.AZ
“Nur-Sultan Bürosu” (Qazaxstan)
Bu xəbər oxucular tərəfindən 52 dəfə izlənilmişdir!
Google Yahoo Facebook Twitter
Del.icio.us Digg StumbleUpon FriendFeed