Şrift:
Qadın həndbolçular kubok mübarizəsinə başlayıblar
16.01.2020 [23:21] - İdman
Qadın həndbolçuların Azərbaycan kuboku turnirinə start verilib. “ABU Arena”da keçirilən yarışın ilk oyun günündə “Azərsu” “Azəryol”la, “Qarabağ” isə “İdman Akademiyası” ilə qarşılaşıb. Azərbaycan Həndbol Federasiyasından bildiriblər ki, turnirin açılış matçı böyük maraqla gözlənilirdi. Söhbət təbii ki, “Azərsu” ilə ölkə çempionatının lideri “Azəryol”un görüşündən gedir. Bu oyunda əksəriyyət nominal qonaqların qələbəsinə inansa da, mülahizələr doğrulmayıb. Kifayət qədər gərgin mübarizə ilə yadda qalan qarşılaşmada “Azərsu” qələbə qazanmağı bacarıb – 27:26.
Günün ikinci görüşündə isə gözlənilməz nəticə qeydə alınmayıb. Oyunun şəksiz favoriti sayılan “Qarabağ” “İdman Akademiyası”na asanlıqla qalib gəlib – 35:20.
Qadın həndbolçuların kubok yarışının növbəti oyunları yanvarın 22-də keçiriləcək. Həmin gün “Azəryol” “Qarabağ”la, “İdman Akademiyası” “Azərsu” ilə qarşılaşacaq.
Yanvarın 18-də isə kişi həndbolçuların ölkə kuboku turnirinin ikinci görüşləri olacaq. Söhbət U-18 – “Təhsil” və “Məhsul” – “Bakı” matçından gedir. Qeyd edək ki, yarışın yarımfinal mərhələsi aprel ayına təyin olunub. Qalib komandaların adına isə mayın 2-də keçiriləcək həlledici görüşlərdə aydınlıq gətiriləcək.

DAVAM.AZ
Bu xəbər oxucular tərəfindən 79 dəfə izlənilmişdir!
Google Yahoo Facebook Twitter
Del.icio.us Digg StumbleUpon FriendFeed