Şrift:
Aİİ “Din, mədəniyyət və cəmiyyət-2” mövzusunda “Qış məktəbi” təşkil edir
26.01.2020 [19:50] - İslam dini
Azərbaycan İlahiyyat İnstitutu (Aİİ) 3 fevral 2020-ci il tarixdən Qəbələ rayonunda “Din, mədəniyyət və cəmiyyət-2” mövzusunda “Qış məktəbi” təşkil edəcək. Aİİ-nin mətbuat xidmətindən verilən məlumata əsasən, fevralın 8-dək davam edəcək layihə çərçivəsində Qəbələ rayonunda Şəhidlər xiyabanını, Konqres Mərkəzini, Qəbələ Arxeoloji Mərkəzini, Soltannuxa Kənd Türbəsini ziyarətlər və Cotari Kilsəsi ilə tanışlıq nəzərdə tutulub.
“Qış məktəbi” çərçivəsində tələbələr üçün “Azərbaycan multikulturalizminin siyasi-hüquqi əsasları”, “Dəyişən dünyada milli-mənəvi dəyərlər”, “Azərbaycanda xanəgahlar” və s. mövzularda məruzələrin, gənclərin dünyagörüşünün zənginləşdirilməsi, polemika qabiliyyətinin artırılması istiqamətində müxtəlif təlimlərin təşkil olunması nəzərdə tutulub. Eyni zamanda, “Qış məktəbi”ndə tələbələrin asudə vaxtının səmərəli təşkili üçün Dini Qurumlarla İş üzrə Dövlət Komitəsinin sifarişi ilə hazırlanan “Oxu”, “Vəhdət” və “Şəhadət” filmlərinin nümayişi və müzakirəsi təşkil olunacaq.
Azərbaycan İlahiyyat İnstitutu müasir təhsil standartları və dünya təcrübəsi əsasında təsis edilmiş ali təhsil müəssisəsidir. İnstitut tələbələrinin elmə, təhsilə marağının artırılması və intellektual səviyyələrinin yüksəldilməsi, milli-mənəvi dəyərlərimizin təbliği məqsədilə müxtəlif tədbirlər həyata keçirir.
Qeyd edək ki, “Qış məktəbi”nin təşkili tələbələrin dünyagörüşünün zənginləşdirilməsi, onların ölkəmizdə mövcud multikultural, tolerant mühitin canlı şahidi olmaları baxımından xüsusi əhəmiyyət daşıyır.

DAVAM.AZ
Bu xəbər oxucular tərəfindən 168 dəfə izlənilmişdir!
Google Yahoo Facebook Twitter
Del.icio.us Digg StumbleUpon FriendFeed