«Qazaqfılm» kınostýdııasynyń shyǵarmashylyq toby Qaraǵandy oblysyna keldi, dep habarlaıdy QazAqparat tilshisi. Qostanaıda halyqaralyq dırıjerler forýmy ótip jatyr Qyzylordada qobyzshylar ansambli quryldy Dımash Qudaıbergenniń fan-klýby Nıý-Iorkte úsh jyldyǵyn atap ótti Qyzylordada kórermen nazaryna «Abaı» spektakli usynyldy Shyǵarmashylyq top quramynda stýdııa prezıdenti Arman Asenov, «Shyraqshy» fılminiń prodıýseri jáne stýdııanyń basqarýshy dırektory Qanat Tórebaı, rejısser Rústem Ábdirashev, «Shyraqshyda» basty róldi oryndaýshy Murat Muqajanov, «Qarqaraly» derekti fılminiń rejısseri Oleg Belıalov jáne akter Qaırat Kemalovtar bar. Qaraǵandy oblysynda olar 8 aqpanǵa deıin bolady. Aldaǵy ýaqytta Abaı, Qarqaraly jáne Temirtaý qalalaryn aralap shyǵady. Olar kórermendermen kezdesip, «Núrken Ábdirov. Uldarymnyń eń kenjesi», «Qunanbaı», «Shyraqshy» jáne «Qarqaraly» fılmderiniń kórsetilimderine qatysady. Bul lentalardyń barlyǵy Qaraǵandy oblysynda alǵash ret kórsetilmek. «Qaraǵandy oblysynda biz «Elbasy joly» kınoepopeıasyn túsirdik. Bul jerde jumys isteý bizge unady, kóptegen qaraǵandylyq akterler, sondaı-aq shahterler, metallýrgter túsirilimge jumyldyryldy. Biz metallýrgııalyq kombınatta túsirdik. Dál osy jobadan soń Qaraǵandy oblysyna barlyq jaqsy premeralardy alyp kelý dástúri qalyptasty», - deıdi Rústem Ábdirashev. Ol, sondaı-aq, josparlarymen bólisti jáne aldaǵy jumys týraly áńgimeledi. «Qazaqfılmniń» Altyn Orda týraly fılm túsirý jospary bar. Olardyń bir bóligi Qaraǵandy oblysynda túsirilýi múmkin, sebebi munda Joshy han kesenesi ornalasqan. Sondaı-aq, Rústem Ábdirashev «GÝLAG» arhıpelagynyń tarıhyna qyzyǵýshylyq tanytatynyn aıtty jáne tarıhtyń osy jan túrshigerlik zulymdyqqa toly betteri týraly trılogııa jasaýy ábden múmkin. Rejısser jáne operator Oleg Belıalov Qaraǵandy oblysynda túsirilgen «Qarqaraly» derekti fılmi synshylardyń joǵary baǵasyna ıe bolǵanyn aıtty. «2019 jyly men «Pervozdannaıa Rossııa» festıvalinde «Qarqaraly» fılmin tanystyrdym. Meniń jumysymdy óte jaqsy qabyldady. Ol jumysym úshin dıplom alyp, kópshiliktiń joǵary baǵasyna ıe boldym», - dedi ol. Oleg Belıalov fılmde tabıǵatty, onyń bastapqy qalpyn ádeıi kórsetkenin atap ótti. Onyń pikirinshe, mundaı tásil jas kórermenderdi oǵan uqypty qaraýǵa jáne týǵan ólkege degen súıispenshilikti arttyrýǵa ıtermeleıdi.

DAVAM.AZ
“Nur-Sultan Bürosu” (Qazaxstan)