Şrift:
İşçiləri təcili yardım maşını ilə səsverməyə göndərən baş həkimə şiddətli töhmət verilib
12.02.2020 [09:28] - Hadisə
Kürdəmir Rayon Xəstəxanasının baş həkimi Eynulla Novruzov seçki günü işçiləri təcili yardım maşını ilə səsverməyə göndərdiyinə görə cəzalandırılıb. “Tibbi Ərazi Bölmələrini İdarəetmə Birliyi”dən (TƏBİB) verilən xəbərə görə, məsələ ilə bağlı Kürdəmir Rayon Xəstəxanasının Baş həkim Eynulla Novruzov TƏBİB-ə dəvət edilib, izahatı alınıb: “O, izahatında qeyd edib ki, hava şəraitinin pis olmasına görə kollektivin xahişi ilə işçiləri səsverməyə aparmaq üçün təcili tibbi yardım avtomobili ayrılmasına icazə verib. Eynulla Novruzova bu hərəkətinə görə şiddətli töhmət verilib”.
Qeyd edək ki, sosial şəbəkələrdə 57 saylı Kürdəmir seçki dairəsinə aid seçicilərin təcili yardım maşını ilə səsverməyə aparılmasına dair görüntülər yayılıb.

DAVAM.AZ
Bu xəbər oxucular tərəfindən 91 dəfə izlənilmişdir!
Google Yahoo Facebook Twitter
Del.icio.us Digg StumbleUpon FriendFeed