Şrift:
İndoneziyada Merapi vulkanı iki min metr yüksəkliyə kül püskürüb
13.02.2020 [15:16] - Xəbərlər, Bildiriş
Fevralın 13-də səhər saatlarında İndoneziyanın Yava adasında yerləşən Merapi vulkanı 2000 metr yüksəkliyə kül püskürüb.

Bu barədə Antara agentliyi İndoneziyanın Geoloji Fəlakətlərin Tədqiqi Mərkəzinə istinadla məlumat yayıb.

Bildirilir ki, Yava adasında Cokyakarta şəhərindən 30 kilometr, İndoneziyanın paytaxtı Cakartadan isə 520 kilometr məsafədə yerləşən Merapi vulkanı yerli vaxtla səhər saat 5:16 dəqiqədə püskürüb və bu, 105 saniyə davam edib.

İndoneziyanın Vulkonologiya Agentliyi isə kraterə 3 kilometr radiusda yaxınlaşmanı qadağan edərək, yerli sakinləri ehtiyat tədbirləri görməyə çağırıb.
Məlumat üçün qeyd edək ki, Merapi İndoneziyanın Yava adasında yerləşən ən fəal vulkanlarından biridir. Burada böyük püskürmə yeddi ildən bir, kiçik püskürmələr isə ildə iki dəfə baş verir.
Bu xəbər oxucular tərəfindən 152 dəfə izlənilmişdir!
Google Yahoo Facebook Twitter
Del.icio.us Digg StumbleUpon FriendFeed