Şrift:
Ağır atletika üzrə Azərbaycan çempionatı keçiriləcək
15.02.2020 [10:35] - Xəbərlər, İdman
Fevralın 21-23-də Şüvəlan qəsəbəsindəki Ağır Atletika Akademiyasında kişilər və qadınlar arasında Azərbaycan çempionatı keçiriləcək.

Azərbaycan Ağır Atletika Federasiyasından (AAAF) bildiriblər ki, Gənclər və İdman Nazirliyinin və AAAF-ın birgə təşkil etdiyi yarışda ölkəmizin bütün bölgələrindən 100-ə yaxın atlet qüvvəsini sınayacaq.
Çempionatda şəhər və rayonlarda fəaliyyət göstərən idman cəmiyyət, klub və mərkəzlərinin, Uşaq Gənclər İdman məktəblərinin hazırkı əsasnamə üzrə təyin olunmuş dərəcə normalarını yerinə yetirən və tibbi müayinədən keçən yüzə yaxın atleti mübarizə aparacaq.

Azərbaycan çempionatının təşkilində məqsəd atletlərin hazırlıq durumlarının yoxlanılması, ehtiyat qüvvənin nəzərdən keçirilməsi, güclü idmançıların seçilməsidir.
Bu xəbər oxucular tərəfindən 396 dəfə izlənilmişdir!
Google Yahoo Facebook Twitter
Del.icio.us Digg StumbleUpon FriendFeed