Bolnisidə “Kəndə dəstək proqramı” çərçivəsində bir neçə kəndinəhalisi ilə görüşlər davam edir. Bolnisi meriyasının rəhbəri David Şerazadişvili və digər rəhbər şəxslər rayonun Ratevani, Sarallar və Kəpənəkçi kəndlərinin əhalisi ilə görüşərək onların problemlərini və təkliflərini dinləyiblər.
Bolnisi meri David Şerazadişvili hər bir kənd sakinini sonatək dinləyib və onlarla aparılan müzakirələrdə qaldırılan məsələlərin tezliklə həll ediləcəyini bildirib. Görüşdə “Kəndlərə Dəstək Proqramı” çərçivəsində qəbiristanlığa torpaq sahəsi ayrılması məsələsi gündəmə gətirilib və həmin sahənin hasarlanması haqqında qərar qəbul ediləcəyi bildirilib. Adı çəkilən kəndlərdə yol infrastrukturunun bərpası, kənddə işıqlandırma sisteminin şəbəkəsinin qurulması məsələləri ətarlı şəkildə müzakirə olunub və sakinlərin irəli sürdüyü vacib məsələlərin hamısının “Kəndə dəstək proqramı” çərçivəsində həllinə razılıq verilib.

DAVAM.AZ
“Tiflis Bürosu” (Gürcüstan)