Şrift:
“Gagauziyanın Seçim Kodeksı”n adı bilä kalmasın” dedilär
21.02.2020 [08:46] - Türk dünyası-Turan
Moldova Devlet kanțeläriyasının danışmasından sora, Kaul kasabasının Apeläțiya Palatası, başlayıp “Gagauziyanın Seçim Kodeksı” adından, diiştrdi o kodeksın kimi statyalarını da. Gagauziya Halk Topluşu (GHT) 2015-ci yılda kabletti “Gagauziyanın Seçim Kodeksı”nı, ama hep ozaman da Moldova Devlet kanțelärşyası Komrat bölümü danıştı Komrat kasabasının Apeläțiya Palatasına, ani bu Kodeksın adı hem statyalarının çoyu Moldova zakonnarına ters gider. Komrat Apeläțiya Palatası bununnan kayıl oldu. GHT, bu kararlan kayıl olmayıp, temizlemäk için danıştı Kaul kasabasının Apeläțiya Palatasına, ama bu Palata braktı kuvettä Komratta alınan kararı.
Kaulda olan sudtan sora, GHT Başı Vladimir Kıssa Gagauziya insannarına rus dilindä bir video danışma yaptı, neredä açıkladı.
Vladimir Kıssa urguladı, ani Kaul kasabasının Apeläțiya Palatasının kararını temizlemää deyni GHT Moldovanın Üüsek Daava Palatasına danışacek. GHT Başı söledi, ani Apeläțiya Palatasının kararına görä “Gagauziyanın Seçim Kodeksı”na en kısa zamanda diiştirmeklär hazırlanacek.

DAVAM.AZ
“Komrat Bürosu” (Qaqouz Yeri)
Bu xəbər oxucular tərəfindən 469 dəfə izlənilmişdir!
Google Yahoo Facebook Twitter
Del.icio.us Digg StumbleUpon FriendFeed