Şrift:
Semeıde Qunanbaı Óskenbaıulyna arnalǵan kórme ashyldy
27.02.2020 [11:03] - Türk dünyası-Turan
Shyǵys Qazaqstan oblysynyń Semeı qalasynda Abaıdyń «Jıdebaı-Bórili» memlekettik qoryq-mýzeıinde «Kóregendi kósem, parasatty sheshen, el qamqory – Qunanbaı» atty kórme ashyldy, dep habarlaıdy QazAqparat. Polıtseıler arasynda «Abaı oqýlary» baıqaýy ótti - Qaraǵandy oblysy Jambyl oblysynda Abaıdyń 175 jyldyǵyna arnalǵan festıval ótti Abaı týraly ǵylymı maqalalarǵa baıqaý jarııalandy Prezıdenttiń «Abaı jáne XXI ǵasyrdaǵy Qazaqstan» maqalasy orys tiline aýdaryldy Kórmeniń uıymdastyrylýyndaǵy negizgi maqsat – dúıim jurtqa Abaıdyń ákesi Qunanbaı qajynyń ómiri jaıly tereńirek tanystyrý. Qunanbaı Óskenbaıuly bı, aǵa-sultan jáne kórnekti qoǵam qaıratkeri bolǵan. Onyń ákesi Óskenbaı Yrǵyzbaıuly tobyqty rýyn bılegen bedeldi kisi edi. Qunanbaı áýel basta aıadaı aýyldaǵy eldi basqaryp, keıinnen dárejesi artyp, aǵa-sultan atanǵan. Búgingi kórmege qoıylǵan tarıhı jádigerler onyń ómir joly týraly syr shertedi. Mýzeıge kelýshiler nazaryna qajynyń jeke zattary, kúmis belbeýi men taqııasy qoıylǵan. Eksponattardyń jalpy sany – 70-ke jýyq. «Abaıdyń 175 jyldyǵyna oraı aqynnyń ákesi Qunanbaı Óskenbaıulyna arnalǵan kórme ashtyq. Munda sol kezeńniń tynys-tirshiligin beıneleıtin kóptegen eksponattar usynylǵan. Budan bólek, qajy jaıly jazylǵan kitaptar men muraǵattyq basylymdardaǵy túrli maqalalar qoıyldy. Bul kórme halyqqa hákimniń ákesi týraly kóp maǵlumat alýǵa múmkindik beredi», - deıdi mýzeıdiń jetekshi ǵylymı qyzmetkeri Nursulý Sanaqbekqyzy. Kórmeniń saltanatty ashylýy barysynda akademık Erlan Sydyqovtyń «Qunanbaı» atty kitabynyń tusaýkeseri ótti. «Búginde shahardyń barlyq oqý oryndarynda Qunanbaıdyń ómiri týraly baıandaıtyn bul kitaptyń tanystyrylymy ótip jatyr. Óskeleń urpaq úshin sol kezeńniń tarıhymen tanysý óte paıdaly bolmaq», - deıdi Abaı atyndaǵy mýzeı dırektorynyń qoǵammen baılanys jónindegi orynbasary Turdykúl Qasenuly.

DAVAM.AZ
“Nur-Sultan Bürosu” (Qazaxstan)
Bu xəbər oxucular tərəfindən 50 dəfə izlənilmişdir!
Google Yahoo Facebook Twitter
Del.icio.us Digg StumbleUpon FriendFeed