Şrift:
Sloveniyada yeni hökuməti müxalifət lideri quracaq
27.02.2020 [12:38] - Siyasət
Sloveniyada yeni hökumətin qurulması keçmiş Baş Nazir, hazırda müxalifətdə olan sağçı-mühafizəkar Sloveniya Demokratik Partiyasının (SDS) rəhbəri Yaneş Yanşaya həvalə edilib. Bu barədə qərarı dövlət başçısı Borut Pahor verib. Baş Nazir Maryan Şarets vəzifəsindən istefa verdikdən və hökumət istefaya getdikdən sonra yeni hökuməti qura bilmək üçün parlamentdə hansı siyasi qüvvənin üstünlüyə sahib olması sualı yaranıb. Y. Yanşa verdiyi rəsmi açıqlamalarda rəhbərlik etdiyi partiyanın mərkəz və sağ spektri təmsil edən digər üç partiya ilə belə bir çoxluğa sahib olduğunu və yeni hökuməti təşkil etmək niyyətini elan edib.
Qeyd edilməlidir ki, Y.Yanşanın partiyası 2018-ci ildə keçirilən parlament seçkilərində qələbə qazansa da, hökuməti qura bilmək üçün heç bir partiya ilə ortaq məxrəc əldə olunmamışdı. Belə olduğu halda M.Şarets beş partiyadan ibarət koalisiya ilə hökuməti qura bilmişdi, lakin müvafiq qanun və qərarların qəbul olunması üçün parlamentdə mütləq səs çoxluğuna malik olmadığına görə yanvarın sonunda istefa verməyə məcbur olmuşdu. Y.Yanşa 2004-2008-ci və 2012-2013-cü illərdə Sloveniyanın Baş Naziri olub.

DAVAM.AZ
Bu xəbər oxucular tərəfindən 43 dəfə izlənilmişdir!
Google Yahoo Facebook Twitter
Del.icio.us Digg StumbleUpon FriendFeed