Yasamal rayonu ərazisində vətəndaşlara məxsus doqquz avtomobildən və iki evdən pul və məişət əşyaları oğurlamaqda habelə S.İsmayılova qarşı dələduzluq etməkdə şübhəli bilinən Bakı şəhər sakini O.Həsənov rayon polis idarəsinin 26-cı polis bölməsi əməkdaşlarının keçirdikləri əməliyyat-axtarış tədbirləri nəticəsində saxlanılıb. Daxili İşlər Nazirliyinin mətbuat xidmətindən bildiriblər ki, fevralın 24-də Xəzər rayonundakı evlərin birindən 550 ABŞ dolları və 3000 manat dəyərində qızıl-zinət əşyaları oğurlamaqda şübhəli bilinən paytaxt sakinləri olan iki yeniyetmə kriminalistik tədqiqatlar idarəsinin və rayon polis idarəsinin 2-ci polis şöbəsi əməkdaşlarının birgə keçirdikləri əməliyyat-axtarış tədbirləri nəticəsində yaxalanıb.
Hər iki faktla bağlı araşdırmalar davam edir.

DAVAM.AZ