Şrift:
Əfqanıstan prezidenti 1,5 min “Taliban” məhbusunu əfv edib
11.03.2020 [12:37] - Gündəm, Sosial
Əfqanıstan Prezidenti Əşrəf Qəni “Taliban” hərəkatının həbs olunan üzvlərinin əfv olunması və azadlığa buraxılması barədə fərman imzalayıb.

Bu barədə dövlət başçısının nümayəndəsi məlumat yayıb.

Məlumatda bildirilir ki, əfv fərmanına əsasən, 1,5 min nəfər azad olunacaq. Əfv edilən məhbusların biometrik məlumatları toplanacaq və onlar bir daha hərbi əməliyyatlarda iştirak etməyəcəklərini yazılı şəkildə təsdiqləyəcək.

Xatırladaq ki, fevral ayının 29-da Doha şəhərində “Taliban” hərəkatı və ABŞ arasında sülh sazişi imzalanıb. Sazişə əsasən, martın 10-dan etibarən “Taliban” hərəkatı ilə Əfqanıstandakı digər tərəflər arasında danışıqlar və atəşkəs rejimi başlanmalıdır. Danışıqlardan öncə etimadın möhkəmlənməsi üzrə tədbirlər qismində hərəkatın həbsdə olan 5 min üzvü və Əfqanıstan ordusunun taliblərin əsirliyində olan minə yaxın əməkdaşı azad ediləcək.
Bu xəbər oxucular tərəfindən 69 dəfə izlənilmişdir!
Google Yahoo Facebook Twitter
Del.icio.us Digg StumbleUpon FriendFeed