İranın Xarici İşlər naziri Məhəmməd Cavad Zərif Beynəlxalq Valyuta Fondundan İrana təcili kömək etməsini istəyib.



O, İran Mərkəzi Bankının Fondun koronavirusun yayıldığı ölkələrə güzəşt göstərilməsi və kredit verilməsi ilə bağlı verdiyi vəd çərçivəsində bu imkanlardan yararlanması üçün təcili olaraq addımların atılmasını istəyib.



Qeyd etmək lazımdır ki, Ümumdünya Səhiyyə Təşkilatı İran və İtaliyanı koronavirusla mübarizənin təmas xətti adlandırıb. Təşkilat virusun qlobal epidemiyaya çevrilmək üzrə olduğunu bildirir.