Şrift:
Mingəçevir Dövlət Universitetində növbəti dəfə tibbi-profilaktik və dezinfeksiya işləri aparılıb
13.03.2020 [16:12] - Gündəm, Sosial
Martın 13-də Mingəçevir şəhər Dezinfeksiya Stansiyasının əməkdaşları tərəfindən Mingəçevir Dövlət Universitetinin (MDU) bütün tədris binalarında, həyətyanı ərazilərdə, dəhlizlərdə, auditoriya və laboratoriyalarda, inzibati otaqlarda, idman zalında, kitabxanalarda, sanitar qovşaqlarda və digər köməkçi tikililərdə koronavirusa (COVID-19) qarşı təkrar tibbi-profilaktik və dezinfeksiya işləri aparılıb.

MDU-da növbəti dəfə keçirilən tədbir Azərbaycan Respublikasının ərazisində fəaliyyət göstərən bütün təhsil müəssisələrində tədris və təlim-tərbiyə prosesinin dayandırılması barədə Nazirlər Kabinetinin müvafiq sərəncamının icrası çərçivəsində həyata keçirilib.

Tibbi-profilaktik və dezinfeksiya işləri ilə yanaşı, MDU-nun kollektivi arasında virusla mübarizə məsələlərinə dair maarifləndirmə işləri də davam etdirilir.
Bu xəbər oxucular tərəfindən 29 dəfə izlənilmişdir!
Google Yahoo Facebook Twitter
Del.icio.us Digg StumbleUpon FriendFeed