Yeni Zelandiya hökuməti koronavirusla əlaqədar xaricə səfərlərin təxirə salınması barədə tövsiyə edib.

Yerli KİV-lər xəbər verir ki, hökumət ilk dəfə vətəndaşlara xaricə getməməyi məsləhət görüb. Hazırda xaricdə olan vətəndaşlardan isə təcili olaraq geriyə qayıtmaları xahiş olunub. Ümumiyyətlə xaricdə yaşayan yeni zelandiyalılara regional şərait nəzərə alınmaqla ən yüksək təhlükəsizlik tədbirləri görmək tövsiyə edilib.
Əlavə olaraq bildirək ki, qonşu Avstraliya hökuməti də vətəndaşlara xaricə səfər etməmələrini bildirib.