Şrift:
İranda illik inflyasiyanın həddi təqribən 35% elan edilib
21.03.2020 [10:37] - Güney Azərbaycan xəbərləri
İran Mərkəzi Statistika Komitəsi illik inflyasiyanın həddi ilə bağlı statistika yayıb.



Məlumata əsasən, İranda 1398-ci ilin (21 mart 2019- 20 mart 2020-red.) sonuna qədər ötən 12 ay ərzində inflyasiya həddi 34.8% olub.



Statistikada qeyd edilir ki, qida məhsullarının qiymətinin artması inflyasiya həddindən yüksək, xidmət sektorunda bahalaşma isə bu həddən aşağı olub.



Komitə qida və içkilərin inflyasiya həddini 43% elan edib.



Statistikaya əsasən, ötən 12 ay ərzində ət və balığın qiymətində 50-56%, meyvə-tərəvəzin qiymətində isə ümumilikdə 56% qiymət artımı müşahidə edilib.



Komitə bildirir ki, kənd yerlərində inflyasiya həddi şəhərlərə nisbətən daha yüksək olub. Kəndlərdə bahalaşmanın 37.3%, şəhərlərdə isə 34.4% olduğu qeyd edilir.



Xatırladaq ki, İranda 2018-ci ilin avqust ayından etibarən inflyasiya həddi kəskin yüksəlməyə başlayıb. Rəqəmlər 2019-cu ilin avqust- sentyabr ayları ərzində rekord həddə- 42.7%-ə qədər çatmışdı. Lakin bir müddət sonra İran Mərkəzi Statistika Komitəsi aylıq inflyasiya həddinin azaldığını bəyan etmişdi.



İnflyasiya həddinin azalması qiymətlərin ucuzlaşması demək deyil. Bu, qiymət artımının sürətli deyil, yavaş-yavaş baş verməsi anlamına gəlir.
Bu xəbər oxucular tərəfindən 29 dəfə izlənilmişdir!
Google Yahoo Facebook Twitter
Del.icio.us Digg StumbleUpon FriendFeed