Şrift:
Cahanpur: “Daha 141 nəfər koronavirusdan ölüb, əlavə 3111 nəfərin də infeksiyaya yoluxduğu aşkar edilib”
31.03.2020 [14:40] - Güney Azərbaycan xəbərləri, Güney Azərbaycan-Təbriz
İran Səhiyyə Nazirliyinin sözçüsü Kiyanuş Cahanpur martın 31-də mediaya açıqlamasında ölkədə koronavirus xəstəliyindən ölənlərin yeni statistikasını yayıb.



O bildirib ki, ki, ötən bir sutka ərzində İran laboratoriyalarında aparılan analizlərin nəticələrindən ölkədə daha 3111 nəfərin “Covid-19” virusuna yoluxduğu aşkar edilib: “Dünən günorta saatlarından indiyə qədər ölkədə daha 141 nəfər koronavirusdan ölüb. Bununla da bu günə qədər ölkədə koronavirusdan ölənlərin ümumi sayı 2898 nəfərə, infeksiyaya yoluxanların ümumi sayı isə 44 min 606 nəfərə yüksəlib.



Xoşbəxtlikdən infeksiyadan sağalıb xəstəxanalardan evə buraxılanların sayı da artaraq, 14656 nəfərə çatıb. Təəssüflər olsun ki, hazırda virusa yoluxanlardan 3703-ünün durumu ağırdır” -deyə, İranın Səhiyyə Nazirliyinin sözçüsü Kiyanuş Cahanpur əlavə edib.
Bu xəbər oxucular tərəfindən 147 dəfə izlənilmişdir!
Google Yahoo Facebook Twitter
Del.icio.us Digg StumbleUpon FriendFeed