Şrift:
Dünyanın güclü şahmatçıları onlayn superturnirdə mübarizə aparacaqlar
18.04.2020 [10:27] - Gündəm, İdman
Aprelin 18-də hazırkı dünya çempionu, norveçli Maqnus Karlsenin təşkilatçılığı ilə onlayn superturnir start götürəcək.

Pandemiya dövrünün ən nüfuzlu turnirində Maqnus Karlsenlə yanaşı, amerikalı şahmatçılar Fabiano Karuana, Hikaru Nakamura, fransalı Maksim Vaşe-Laqrav, çinli Liren Dinq, rusiyalı Yan Nepomnyaşi, Niderland təmsilçisi Aniş Giri və FIDE bayrağı altında çıxış edən Əlirza Firuzca mübarizə aparacaqlar. Turnirin mükafat fondu 250 min dollardır.

Qeyd edək ki, onlayn şahmat turnirinin bütün iştirakçıları videonəzarət altında olacaqlar. Belə ki, ədalətin, düzgünlüyün təmin edilməsi məqsədilə iştirakçıların otaqlarında əlavə kameralar quraşdırılacaq. Bununla belə, hakimlər və təşkilatçılar oyun zamanı qrossmeysterlərin kompüterlərini də yoxlaya biləcəklər.

Turnir mayın 13-dək davam edəcək.
Bu xəbər oxucular tərəfindən 177 dəfə izlənilmişdir!
Google Yahoo Facebook Twitter
Del.icio.us Digg StumbleUpon FriendFeed