Şrift:
LG şirkətinin laboratoriyasında baş verən yanğında ölən və yaralananlar var
19.05.2020 [16:41] - Gündəm, Hadisə
Cənubi Koreyanın LG şirkətinin törəmə müəssisəsi olan “LG Chem Ltd”nin laboratoriyasında baş verən yanğında bir nəfər ölüb, iki nəfər isə yaralanıb.

Yonhap agentliyi xəbər verir ki, hadisə paytaxt Seuldan 120 kilometr məsafədə yerləşən Sosan şəhərindəki tədqiqat mərkəzində yerli vaxtla saat 14:20-də (Bakı vaxtı ilə 9:20) baş verib. Hadisə yerinə gələn yanğınsöndürənlər təxminən 1 saatdan sonra alovu nəzarət altına ala biliblər. Yaralananlar yaxınlıqdakı xəstəxanaya yerləşdirilib.

İlkin rəyə əsasən, yanğına laboratoriyaya gətirilən katalizatorun həddindən artıq yüksək təzyiq altında partlaması səbəb olub. Qəza nəticəsində zərərli kimyəvi maddə sızması qeydə alınmayıb.
Bu xəbər oxucular tərəfindən 229 dəfə izlənilmişdir!
Google Yahoo Facebook Twitter
Del.icio.us Digg StumbleUpon FriendFeed