Şrift:
Çində 85 aktiv COVID-19 xəstəsi var
19.05.2020 [18:00] - Gündəm, Sosial
Çində ötən sutka ərzində 3 yeni növ koronavirus (COVID-19) xəstəsi müalicəni başa vuraraq xəstəxananı tərk edib. Bununla da ölkədə aktiv xəstələrin sayı 85-ə düşüb.

Çinin Səhiyyə Məsələləri üzrə Dövlət Komitəsi xəbər verir ki, ötən gün COVID-19 infeksiyasına 6 yeni yoluxma faktı qeydə alınıb. Onların üçü xarici mənşəli yoluxmadır.

Qeyd edək ki, ötən ilin dekabrında Hubey vilayətinin Uxan şəhərində aşkarlanan yeni növ koronavirusa indiyədək Çinin materik hissəsində 82 min 960 nəfər yoluxub, 4634 nəfər ölüb, 78 min 241 nəfər sağalıb. Yoluxma hallarının 1707-i xarici mənşəli olub.

Çinin Honkonq xüsusi inzibati bölgəsində indiyədək 1055 yoluxma və 4 ölüm, Makao xüsusi inzibati bölgəsində 45 yoluxma, Tayvan adasında isə 440 yoluxma və 7 ölüm baş verib.
Bu xəbər oxucular tərəfindən 180 dəfə izlənilmişdir!
Google Yahoo Facebook Twitter
Del.icio.us Digg StumbleUpon FriendFeed