Şrift:
İranda daha 64 ölüm halı ilə koronavirusdan ölənlərin sayı 7183 nəfərə yüksəlib
20.05.2020 [14:12] - Güney Azərbaycan xəbərləri, Güney Azərbaycan-Təbriz
İran Səhiyyə Nazirliyinin sözçüsü Kiyanuş Cahanpur mayın 20-də mediaya açıqlamasında ölkədə koronavirus qurbanlarının yeni statistikasını yayıb.



Cahanpur deyib ki, son bir gün ərzində daha 2346 yeni koronavirusa yoluxma halı aşkar edilib: “Bununla da dünəndən bu günə qədər daha 64 nəfərin həyatını itirməsi ilə, ölkədə indiyə qədər “Covid-19” infeksiyasından ölənlərin ümumi sayı 7183 nəfərə, yoluxanların ümumi sayı isə 126 min 949 nəfərə yüksəlib.



Xoşbəxtlikdən son bir sutka ərzində xəstəlikdən sağalıb evə buraxılanların sayı da artaraq, 98 min 808 nəfərə çatıb.



Təəssüflər olsun ki, hazırda koronavirusa yoluxan və intensiv terapiya şöbələrində müalicə alan 2673 xəstənin durumu ağırdır” -deyə, İran Səhiyyə Nazirliyinin sözçüsü Kiyanuş Cahanpur bəyan edib.
Bu xəbər oxucular tərəfindən 98 dəfə izlənilmişdir!
Google Yahoo Facebook Twitter
Del.icio.us Digg StumbleUpon FriendFeed