Şrift:
“Iran xalqına qarşı amansız qəddarlıq tətbiq edən İran rəsmiləri gec və ya tez məsuliyyətə cəlb olunacaqlar”.
23.05.2020 [10:21] - Güney Azərbaycan xəbərləri, Güney Azərbaycan-Təbriz
“Iran xalqına qarşı amansız qəddarlıq tətbiq edən İran rəsmiləri gec və ya tez məsuliyyətə cəlb olunacaqlar”

Amerikanın İran rəsmilərinə qarşı tətbiq etdiyi son sanksiya, rəsmi Vaşinqtonun İran siyasətini bir daha göstərmiş oldu. Xatırladaq ki, Amerikanın dövlət Katibi Mayk Pompeo insan haqlarını pozmaqda ciddi rol aldığı iddiası ilə İranın Daxili İşlər naziri Abdulrza Rahmani Fazlinin də aralarında olduğu bəzı İranlı rəsmiləri qara siyahıya aldığını elan etmişdi.İran Islam rejim Amerikanın embarqosuna etiraz edərək, bunu da öz xeyirlərinə yozmağa cəhd etdi. Bəs, adı keçən Abdulrza Rahmani Fazli kimdir və İran xalqına qarşı hansı əməlləri ilə seçilib. 2013-cü ildən İranın Daxili işlər naziri postunda oturan bu şəxs qəddarlığı ilə seçilir.Ölkə daxilində sərbəst toplaşmaq azadlığını məhdudlaşdırmaqdan tutumuş, haqqını tələb etmək üçün etiraz edən sadə iranlıları həbs edərək, işgəncələrə məruz qoymaq, birbaşa bu insanın səlahiyyətindədir. Uzaq getməyək, 2019-cu ilin noyabrında baş tutan etirazlarda sadə iranlılara qarşı amansız qəddarlıq tətbiq etmişdi. İki həftə ərzində 1500 dinc sakinin ölümünə səbəb olmuşdu. Abdulrza Rahmani hətta öz müsahibələrindən birində etiraf edirdi ki, o, sadə etirazçıların başlarından və ayaqlarından güllələnmısinə əmir verib.Onun bu qəddar açıqlamasını, İran hakimiyyəti də dəstəkləmişdi. Qara siyahıya adı salınan digər İran rəsmisi kəşfiyyat və təhlükısizlik naziri olmuş Əli Fallahyandır. 1989-dan 1997-ci ilədək vəzifədə olan bu şəxs minlərlə insanın ölümündə məsuliyyətlidir. Əli Fallahyan təkcə İran daxilində dedyil, həm də ölkə xaricində dinc iranlıları təqib edərək, onların qətlində rol alıb. Qara siyahıya adı salınan digər rəsmilərin, insanlığa qarşı cinayət əməlləri saymaqla bitmir.Əfqanıstandan qaçaraq İran sərhəddinə sığınan əfqanları zor gücünə Qüds ordusuna daxil edib, onları Suriya müharibəsinə göndəriblər. Bir neçə müddət əvvəl Əfqanıstan İran sərhəddindən yayılan bu görüntülər də beynəlxalq təşkilatların dediklərini sübut etmiş oldu. Kadrlardan da aydın görünür ki, normal həyat üçün İran vasitəsi ilə digər ölkələrə getmək istəyən əfqanlara qarşı İran hərbçiləri şiddət tətbiq edir. Amerikanın Dövlət katibi, əfqan dövlətinə bu görüntüləri unutmamağı tövsiyyə edib.Pompeo sonuncu çıxışında xüsusi vurğuladı ki, rəsmi Vaşinqton sadə iranlıların haqqını qorudugu üçün həmişə qürur duyacaq.

“Amerika rəsmi Tehranı öz vətəndaşlarına qarşı hörmətlə yanaşmağa cağırır. Onlar iran xalqına qarşı ləyaqətlə davranmalıdırlar. Lakin biz əksini görürük. Bu gün BMT insan haqlarını pozan 12 iran rəsmisinə qarşı sanksiya tətbiq etdi. Onlardan biri İranın hazırki daxili işlər naziri Abdulraza Rəhmani Fazlidir. Bİzdə sübutlar var ki, bu adam 2019-cu ilin noyabrındakı etiraz aksiyalarında dinc insanlara qarşı atəş açmağa əmir verib. Onun çirkin və qorxunc siyasəti nəticəsində dinc İran vətəndaşları ölüb. Biz qətlə yetirilən dinc iran vətəndaşlarının qisasını aldığımğz üçün qürur duyuruq”

İrana qarşı tətbiq edilən bu embarqolardan həm də məsuluyyətli olan Amerikanın Maliyyə nazirliyidir. Nazir, Mnuchin deyib ki, İslam rejimi fiziki və psixoloji zorakılıq yolu ilə İran xalqının fiklirlərini, dinc etirazçıları şiddətə məruz qoyur. Amerika öz xalqına qarşı zülüm və təhqirləri davam etdirən İran rəsmilərini və qurumlarını məsuliyyətə cəlb etməkdə davam edəcək. Sitatın sonu.
Bu xəbər oxucular tərəfindən 83 dəfə izlənilmişdir!
Google Yahoo Facebook Twitter
Del.icio.us Digg StumbleUpon FriendFeed