Şrift:
Mayın 24-ü səhərədək ölkə ərazisində hava şəraiti qeyri-sabit olub
24.05.2020 [12:38] - Gündəm, Bildiriş
Mayın 24-ü səhərədək ölkə ərazisində hava şəraiti qeyri-sabit olub, bəzi yerlərdə yağış yağıb, güclü şimal-qərb küləyi əsib.

Milli Hidrometeorologiya Xidmətindən verilən xəbərə görə, düşən yağıntının miqdarı Sarıbaşda (Qax) 5, Qusar, Kişçayda (Şəki) 2, Zaqatala, Quba, Mingəçevir, Xınalıq, Gədəbəy, Naftalan, Şəmkir, Daşkəsən, Şəki, Xaltan, Qırızda 1 millimetr olub.

Şimal-qərb küləyinin sürəti arabir Neftçalada 35, Naftalanda 32, Gəncədə 28, Tovuz, Ağstafa, Bərdə, Tərtərdə 25, Qazıməmməd, Yevlaxda 23, Ağdam, Xaçmazda 20, Şəmkirdə 19, Salyan, Zərdabda 18, Göyçay, Mingəçevir, Yardımlıda 16 metr/saniyəyə çatıb.

Abşeron yarımadası və Abşeron dəniz rayonuna gəlincə isə külək Sumqayıt, Maştağada saniyədə 38, Bakıda 35, Neft Daşlarında 29, Çilov adasında 27, Pirallahı, Qum adasında 25, Ələtdə 24, Binədə 23, Zabratda 20 metrə kimi güclənib.

Neft Daşları stansiyasının məlumatına əsasən, Xəzər dənizində dalğanın hündürlüyü 6.6 metrə çatıb.
Bu xəbər oxucular tərəfindən 394 dəfə izlənilmişdir!
Google Yahoo Facebook Twitter
Del.icio.us Digg StumbleUpon FriendFeed