Şrift:
Xuzistanın 20 şəhərində koronavirusla bağlı vəziyyət böhranlıdır
31.05.2020 [14:22] - Güney Azərbaycan xəbərləri, Güney Azərbaycan-Təbriz
Bu barədə, Xuzistan Tibb Universiteti rektorunun səhiyyə işləri üzrə müavini Məhəmməd Ələvi mayın 31-də yerli telekanala açıqlamasında məlumat yayıb.



O bildirib ki, Xuzistan əyalətində “Covid-19” xəstəliyi gözlənilən həddən daha geniş yayılıb: “Təəssüflər olsun ki, mayın əvvəllərindən başlayaraq karantin məhdudiyyətlərin azalmasından sonra infeksiyanın yayılma sürəti daha çox artıb. Buna isə, insanların Ramazan bayramından əvvəl küçə və bazarda və digər ictimai yerlərdə sıxlığı və bir-birindən fasilə saxlamaq qaydalarına riayət etməməsi səbəb olub.


Koronavirusa yoluxan xəstələrdə əvvəlcə xəstəliyin simptomları görünməsə də, sonradan xəstəliyin inkişaf etməsi ilə onların əksəriyyəti tənginəfəslik, baş ağrısı, həzm problemi, qusma, qarın ağrısı, eləcə də dad və qoxu hislərinin itirilməsi simptomları ilə xəstəxanalara müraciət edirlər.


Hesab edirik ki, əgər indiki ağır durum davam edərsə, biz Xuzistan valisinin də dəfələrlə bildirdiyi kimi, əyalətdə əvvəlki karantin məhdudiyyətlərini yenidən bərpa etmək məcburiyyətində qalacağıq” -deyə, Xuzistan Tibb Universiteti rektorunun səhiyyə işləri üzrə müavini Məhəmməd Ələvi bəyan edib.
Bu xəbər oxucular tərəfindən 183 dəfə izlənilmişdir!
Google Yahoo Facebook Twitter
Del.icio.us Digg StumbleUpon FriendFeed