Şrift:
Xalxalda yas mərasiminə qatılan kənd əhalisi koronavirusa yoluxub
20.06.2020 [12:11] - Güney Azərbaycan xəbərləri, Güney Azərbaycan-Təbriz
Bu barədə, Xalxal Tibb Universitetinin rəisi Səccad Rəhimi məlumat verib. Onun sözlərinə görə, Xalxal şəhərinin 2 kilometrliyində yerləşəm kəndin əhalisinin bir çoxunun koronavirus testi pozitiv çıxıb.





Rəhimi əlavə edib ki, kənd sakinləri koronavirus infeksiyanın yayılmasının qarşısının alınması məqsədilə müəyyənləşdirilmiş profilaktik qaydalara əməl etməyib və meyiti mərasim üçün mənzilə aparıb.

“Təəssüflə sahəsi kiçik olan mənzildə çox sayda sakinin toplaşması kənd əhalisinin bir çoxunun koronavirus testinin pozitiv çıxması ilə nəticələnib,” deyə rəsmi bildirib.





Xalxal Tibb Universitetinin rəisi həmçinin qeyd edib ki, bu vilayətdə koronavirus infeksiyasına yoluxanların sayı sürətlə artmaqdadır: “Xalxal xəstəxanasına müraciət edənlərin 40 faizinin koronavirus testi pozitiv çıxır. Bu isə infeksiyanın bu şəhərdə təhlükəli şəkildə yayılmasını göstərir.”





İran rejimi siyasi və iqtisadi mülahizələrə görə, pandemiya ilə bağlı tətbiq edilən məhdudiyyətləri ortadan qaldıraraq müxtəlif müəssisələrin fəaliyyətini yenidən bərpa edib. Bu isə pandemiyanın yayılmasını yenidən gücləndirib.
Bu xəbər oxucular tərəfindən 309 dəfə izlənilmişdir!
Google Yahoo Facebook Twitter
Del.icio.us Digg StumbleUpon FriendFeed