Şrift:
Bakı polisi: Paytaxtda məhdudiyyətlərin tətbiqinə başlanılıb
21.06.2020 [11:16] - Gündəm, Hüquq
Sərtləşdirilmiş xüsusi karantin rejimi ilə əlaqədar olaraq paytaxtda məhdudiyyətlər tətbiq olunur.

Bakı Şəhər Baş Polis Idarəsindən bildiriblər ki, koronavirus (COVID-19) infeksiyasının yayılma sürətinin azaldılması, törədə biləcəyi fəsadların minimuma endirilməsi məqsədilə xüsusi karantin rejiminin sərtləşdirilməsini təmin etmək üçün Bakı şəhərində iyunun 21-i saat 00:00-dan iyulun 5-i saat 06:00-dək məhdudiyyətlərin tətbiqinə başlanılıb.

Xatırladaq ki, Nazirlər Kabinetinin Bakı, Sumqayıt, Gəncə, Lənkəran, Yevlax, Masallı, Cəlilabad şəhərlərinin və Abşeron rayonunun ərazisində xüsusi karantin rejiminin sərtləşdirilməsi ilə bağlı əlavə tədbirlər barədə müvafiq Qərarına əsasən, iyunun 21-i saat 00:00-dan iyulun 5-i saat 06:00-dək həmin ərazilərdə məhdudiyyətlər tətbiq olunacaq.
Bu xəbər oxucular tərəfindən 248 dəfə izlənilmişdir!
Google Yahoo Facebook Twitter
Del.icio.us Digg StumbleUpon FriendFeed