Bu barədə, Zəncan Yol Polisi idarəsinin rəisi polkovnik Abbas Müzəffəri mətbuata məlumat verib.

“Bu ilin ilk üç ayında (mart 21-dən iyun 21-dək) Zəncan əyalətində 51 nəfərin ölümü ilə nəticələnən yol qəzaları baş verib. Bu, ötən ilin müvafiq dövrü ilə müqayisədə artım göstərir,” deyə o bildirib.





Müzəffəri əlavə edib ki, ölümlə nəticələnən yol qəzalarının 12 faizi avtomobilin aşması səbəbindən olub.

Rəsminin sözlərinə görə, əyalətdə ən çox yol qəzaları Zəncan-Qəzvin və Zəncan-Xürrəmdərə magistral yollarında qeydə alınıb.





Güney Azərbaycan yollarında təxminən hər gün çoxsaylı insan tələfatı və kütləvi xəsarət alma ilə nəticələnən müxtəlif yol qəzaları baş verir. Ekspertlər yolların qeyri-standart olması, avtomobillərin keyfiyyətsiz olması və insan amilini baş verən qəzaların əsas səbəbi kimi göstərir.