Şrift:
Türkiyənin Sakarya vilayətində baş verən partlayış nəticəsində ölənlərin sayı üçə çatıb
09.07.2020 [16:11] - Gündəm, Sağlıq
Türkiyənin Sakarya vilayətinin Taşkısığı bölgəsində baş vermiş partlayış nəticəsində ölənlərin sayı üçə çatıb. Bundan başqa, biri ağır olmaqla altı nəfər yaralanıb.

Bu barədə Sakarya valisi Çetin Oktay Kaldırım bildirib.

Türkiyə Daxili İşlər Nazirliyinin hadisə ilə bağlı açıqlamasında qeyd olunub ki, partlayış Baş Prokurorluğun göstərişi ilə pirotexniki vasitələrinin istehsalı zavoduna aid partlayıcı vasitələrin Sakarya vilayətinin Taşkısığı bölgəsində yerləşən karxanada nəzarət altında partladılması məqsədilə buraya gətirilib boşaldılması zamanı baş verib. Hadisə nəticəsində ikisi partlayıcı maddələr üzrə mütəxəssis olmaqla üç nəfər həlak olub. Altı nəfər isə müxtəlif dərəcəli bədən xəsarətləri ilə xəstəxanaya yerləşdirilib. Onlardan birinin vəziyyəti ağırdır.

Türkiyənin Daxili İşlər naziri Süleyman Soylu hadisə yerinə yola düşüb.
Bu xəbər oxucular tərəfindən 268 dəfə izlənilmişdir!
Google Yahoo Facebook Twitter
Del.icio.us Digg StumbleUpon FriendFeed