Şrift:
Energetika Nazirliyi: 6 ayda Texniki Şuralar vasitəsilə 886 müraciətə baxılıb
09.07.2020 [16:29] - Gündəm, İqtisadiyyat
Cari ilin ikinci rübü ərzində Energetika Nazirliyinin tabeliyində olan Enerji Məsələlərini Tənzimləmə Agentliyi tərəfindən sahibkarlıq obyektlərinin elektrik şəbəkəsinə qoşulması ilə bağlı “ASAN xidmət” və “ASAN Kommunal” mərkəzlərində fəaliyyət göstərən Texniki Şuralar vasitəsilə 367 müraciətə baxılıb.

Energetika Nazirliyindən bildirilib ki, ümumilikdə isə 6 ay ərzində Texniki Şuralar tərəfindən 886 müraciət qəbul edilib. Bunlardan 885-nin icrası təmin edilib, bir müraciət isə təqdim edilmiş sənədlərdəki uyğunsuzluqlar səbəbindən baxılmamış saxlanılıb.

Bu dövrdə sifarişçilər tərəfindən “ASAN xidmət” və “ASAN Kommunal” mərkəzlərinə edilmiş müraciətlərlə bağlı yaranmış şikayətlər Enerji Tənzimləmə və Monitorinq Departamenti tərəfindən müvafiq qaydada həll edilərək sahibkarların məmnunluğu təmin edilib.

Qeyd edək ki, hazırda “ASAN xidmət” və “ASAN Kommunal” mərkəzlərində 12 Texniki Şura fəaliyyət göstərir.
Bu xəbər oxucular tərəfindən 211 dəfə izlənilmişdir!
Google Yahoo Facebook Twitter
Del.icio.us Digg StumbleUpon FriendFeed