Şrift:
Türkiyədə 5 terrorçu təslim olub, 17 nəfər şübhəli şəxs qismində həbs edilib
10.07.2020 [14:00] - Xəbərlər, Hərb
Türkiyənin Şırnak bölgəsində beş terrorçu təhlükəsizlik qüvvələrinə təslim olub.

Bununla da yanvarın 1-dən etibarən təslim olan terrorçuların sayı 100-ə çatıb.

İyulun 10-da Adanada terrorizmlə mübarizə polisi PKK/KCK terror təşkilatına qarşı genişmiqyaslı əməliyyat keçirib. Saxlanılan 17 şübhəli şəxs barəsində həbs qətimkan tədbiri seçilib. Şübhəlilərin evində axtarış aparılan zaman həbsxanadakı terrorçuların göndərdikləri təlimatlar, terror təşkilatlarına məxsus digər vəsaitlər, o cümlədən “Kalaşnikov” markalı avtomat silah ələ keçirilib.

Milli Müdafiə Nazirliyinin məlumatında bildirilir ki, Suriya ərazisində “Zeytun budağı” antiterror əməliyyatının keçirildiyi bölgədə sabitliyi pozmağa cəhd edən altı nəfərlik PKK/YPG qrupu saxlanılıb.
Bu xəbər oxucular tərəfindən 212 dəfə izlənilmişdir!
Google Yahoo Facebook Twitter
Del.icio.us Digg StumbleUpon FriendFeed