Təbriz Mərkəzi zindanının 12-cı korpusunda saxlanılan Əbdülməhəmmədzadə koronavirusun həbsxanada yayılması səbəbindən 30 gün müddətinə evə buraxılıb.





Təbriz sakini olan milli fəal iyunun 9-da da xəstəlik səbəbindən 10 gün müddətinə müvəqqəti olaraq azad edilmişdi.





Əbdülməhəmmədzadə “rəhbəri təhqir etmək” və “İslam Cümhuriyyətinin əleyhinə təbliğat aparmaq”da günahlandırılıb. O sıralama ilə birinci ittihama görə 15 ay, ikincinə görə isə 12 ay həbs cəzasına məhkum edilib.

İslam Cəza Qanununun 134-cü maddəsinə əsasən, milli fəal barəsində çıxarılan iki həbs cəzasının ən ağırı yəni 15 ay həbs cəzası icra olunur.





Əbdülməhəmmədzadə 2018-ci il oktyabrın 10-da İranın təhlükəsizlik qüvvələri tərəfindən saxlanılmış, daha sonra məhkəməyə qədər girov qarşılığında sərbəst buraxılmışdı.