İranın “İsna” agentliyinin iyulun 29-da yaydığı xəbərə əsasən, Əli Laricani yenidən “Covid-19” infeksiyasına yoluxduğu üçün hazırda Tehran xəstəxanalarından birinə yerləşdirilib.


Yayılan məlumatda bildirilir ki, Əli Laricaninin səhhəti hazırda qənaətbəşdir və o həkimlərin nəzarəti altında müalicəsini davam etdirir.


Xatırladaq ki, Əli Laricani ilk dəfə bu ilin aprel ayında pandemiya yoluxucu xəstəliyinə tutulmuş, bir müddət karantin şəraitində həkimlərin ciddi nəzarətində müalicə aldıqdan sonra xəstəlikdən tam sağalmışdı.


Laricaninin ikinci dəfə koronavirus infeksiyasına konkret necə və nə vaxt yoluxması haqda hər hansı bir məlumat yayılmayıb.