Şrift:
Həbsdə olan azərbaycanlı fəal Behnam Şeyxidə koronavirus simptomları görünüb
10.08.2020 [14:03] - Güney Azərbaycan xəbərləri, Güney Azərbaycan-Təbriz
Tehranın Evin həbsxanasının 8-ci korpusunda saxlanılan Şeyxi ailəsi ilə əlaqə saxlayaraq bu barədə məlumat verib.





O həmçinin bildirib ki, COVİD-19 testi üçün həbsxananın poliklinikasına müraciət etsə də test çatışmazlığına görə səhiyyə işçilər onu yoxlamaqdan imtina edərək ağrıkəsici dərmanlar veriblər.

Şeyxi əlavə edib ki, 8-ci korpusda saxlanılan bir çox məhbusun koronavirus testi pozitiv çıxıb.

Milli fəal qeyd edib ki, 8-ci korpusun tibb mərkəzində çarpayı çatışmazlığına görə, orada saxlanılan məhbusların bir neçəsi, o cümlədən Əmir Salar Davudi, Cəfər Əzimzadə və İsmayıl Əbdi 4-cü korpusun tibb mərkəzinə yerləşdiriliblər.





Evin təcridxanasının 8-ci korpusunda saxlanılan digər milli fəallar Əlirza Fərşi və Həmid Mənafi Nadarlı da koronavirusa yoluxma təhlükəsi ilə qarşı-qarşıyadırlar.





Son aylarda İranın əksər həbsxanalarında məhbusların saxlanılma şəraiti və koronavirusun yayılması ilə əlaqədar dərc olunan xəbərlərdən sonra, cəmiyyətdə milli-mədəni fəalların səhhəti ilə bağlı ciddi narahatlıq yaranıb.

İran rejimi Azərbaycan əhalisi və beynəlxalq insan hüquqları qurumlarının ardıcıl tələbinə baxmayaraq həbsdə olan milli fəalların məzuniyyətə çıxmasına imkan vermir.
Bu xəbər oxucular tərəfindən 230 dəfə izlənilmişdir!
Google Yahoo Facebook Twitter
Del.icio.us Digg StumbleUpon FriendFeed